ДУРСАХУЙ: Владимир Высоцкий 83 нас хүрэх байлаа

2021 оны 01 сарын 25

Одоогоос 83 жилийн өмнө нэгдүгээр сарын 25-нд Орос улсын үе үеийнхний шүтээн, дуучин, жүжигчин, яруу найрагч Владимир Высоцкий төрсөн юм.

Түүний шүлгийг хэвлэхгүй хориглож байсан ч улс даяараа мэддэг, телевизээр гаргахгүй байсан ч бүгд дууг нь цээжээр мэддэг байв.
 


Гадаадад гарах эрхийг нь хассан тул тэр франц эхнэртэйгээ уулзах гэж багагүй бэрхшээл туулдаг байлаа. 

1980 оны зун Засгийн газраас түүний нас барсан мэдээг нууцалж байсан ч оршуулах ёслол дээр нь хэдэн мянган хүн цугласан юм.

Тэр хамгийн сүүлчийн шүлгээ нас барахаасаа сарын өмнө бичсэн. “Бурхны өмнө очих цагт надад өөрийгөө өмөөрөх үг бий” гэж тэр бичиж байжээ. 
 


1987 онд түүнд ЗХУ-ын Төрийн шагнал нэхэн олгосон билээ.

Высоцкий нийт 800 дуу зохиож, кинонд 30, театрт 20 дүр бүтээжээ.

Залуудаа акробатик, боксоор хичээллэж байлаа.
 

Анхны шүлгээ наймдугаар ангид байхдаа бичсэн. Энэ нь Сталинд зориулсан шүлэг байв.

Анх удаа сонгон шалгаруултад ороход нь ийм хоолойтой хүн хэзээ ч дуучин болж чадахгүй хэмээн түүнийг голж байжээ.

“Чамайг даа” хүүхэлдэйн киноны чонын дууг тэр оруулах байсан ч Засгийн газраас хориглосон байна.
 


Сочид түүний байрыг ухсан хулгайч нар дараа нь хулгайлсан зүйлээ, уучлал хүссэн бичигтэй хамт эргүүлэн өгч байжээ.

ЗХУ-ын телевизээр түүний нэг ч тоглолт, ярилцлага гарч байгаагүй. Ганцхан шүлэг нь л хэвлэгдэж байв.

"XX зууны ЗХУ-ын алдартан" санал асуулгад тэр анхны сансрын нисэгч Гагарины дараа буюу хоёрдугаарт бичигдэж байсан билээ.
 


Высоцкий гадаад, дотоодод нийт 1500 тоглолт хийсэн.

Өдөрт 20 ширхэг тамхи татдаг байжээ.

Тэр тайзан дээр Гамлетийн дүрийг бүтээгээд, орой нь унтаж байхдаа нас барсан юм. Тэр үед Высоцкий 43 настай байлаа.
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Matilda(154.66.132.133) 2021 оны 01 сарын 27

Сайн уу, хатагтай, ноёнтоон\nХэрэв танд зээл хэрэгтэй бол имэйлээр холбогдоорой: matildalecoustre@gmail.com\nWathsapp: 33 7 55 02 55 59

0  |  0
Top