Ким Кардашьян албан ёсоор тэрбумтан боллоо
Америкийн Forbes сэтгүүлийн газраас дэлхийн баячуудын жагсаалтыг шинэчлэн гаргалаа.
Шинэ чансаагаар Америкийн телевизийн од Ким Кардашьян албан ёсоор долларын тэрбумтан болжээ.
40 настай Кимийн хөрөнгө өнгөрсөн жилийн аравдугаар сард 780 сая ам.доллар байсан. Хэдэн сарын дотор тэр 220 сая ам.долларын ашигтай ажиллажээ. Кардашьяны хоёр том бизнес тун амжилттай яваа. Гоо сайхны KKW Beauty, дотуур болон гэрийн хувцасны Skims брэнд нь энэ их хөрөнгөний гол эх үүсвэр болсон байна.
2020 онд Ким KKW Beauty маркийнхаа хувьцааны 20 хувийг 200 саяар зарсан. Харин Skims брэндийг 2019 онд байгуулсан бөгөөд цар тахлын хөл хорионы үед гэрт өмсөх хөнгөн загварууд гаргаж эхэлсэн нь тун сайн зарагджээ.
Дээр нь зар сурталчилгааны гэрээнүүд, олон нийтийн сүлжээний орлого, телевизийн Keeping Up with the Kardashians реалити-шоуны орлого нэмэгдэж байгаа.
Холбоотой мэдээ
Сэтгэгдэл ( 0 )