Улсын дээд шүүхийн Шүүгчдийн зөвлөгөөн боллоо

Б.Гантуяа | Zindaa.mn
2021 оны 11 сарын 19

Улсын дээд шүүхийн Шүүгчдийн зөвлөгөөн 2021 оны арвандүгээр сарын 18-ны өдөр боллоо.

Зөвлөгөөнөөр Монгол Улсын шүүхийн тухай хуулийн 19 дүгээр зүйлийн 19.2.5-д заасны дагуу “Улсын дээд шүүхэд хэрэг, нэхэмжлэл, гомдол хүсэлт хүлээн авах, хуваарилах болон шүүх хуралдааны даргалагч, шүүх бүрэлдэхүүнийг сугалаагаар томилох журам”-ыг хэлэлцэн баталлаа.

Дээрх журам албажин гармагц Монгол Улсын шүүхийн тухай хуулийн 19 дүгээр зүйлийн 19.4 дэх хэсэгт заасны дагуу олон нийтэд нээлттэй байршуулна.  

Мөн Улсын дээд шүүхийн Шүүгчдийн зөвлөгөөнөөс Монгол Улсын шүүхийн тухай хуулийн 25 дугаар зүйлийн 25.7.5 дахь заалтын хэрэгжилтийг судалж, санал гаргах үүрэг бүхий Ажлын хэсгийг Эрүүгийн хэргийн танхимаас шүүгч Б.Цогт, Иргэний хэргийн танхимаас шүүгч Х.Эрдэнэсувд, Захиргааны хэргийн танхимаас шүүгч Ц.Цогт нарын бүрэлдэхүүнтэй байгууллаа.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top