Э.Бат-үүлийг шүүх хурал ШИЙДВЭРЭЭ ГАРГАХААР түр завсарлалаа
Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс өнгөрсөн арванхоёрдугаар сард /2021.012.16/ Хотын дарга асан Э.Бат-Үүлд дөрвөн жилийн хорих ял оноосон билээ. Түүнийг эрх мэдэл, албан тушаалын байдлаа ашиглаж бусдад давуу эрх олгосон гэм буруутайд тооцсон юм.
Харин Хотын дарга асан Э.Бат-Үүл шүүх хурлын шийдвэрийг эсэргүүцэж, өмгөөлөгчөөрөө дамжуулж давж заалдахаа мэдэгдсэн.
Тэгвэл өнөөдөр /2022.04.04/ Хотын дарга асан Э.Бат-Үүлд холбогдох хэргийн давж заалдах шатны шүүх хурлыг 09.00 цагт товлоод байсан ч өмгөөлөгчийн зүгээс Э.Бат-Үүлийг шүүх хуралд биечлэн оролцуулах хүсэлт тавьсан юм.
Тиймээс шүүгдэгч Э.Бат-Үүлийг ШШГЕГ-ын харьяа хорих 409 дүгээр ангиас шүүх танхимд авч ирснээр шүүх хурал 12:00 цагт эхэлж, 7 цаг үргэлжилсний эцэст завсарлаж, шүүх бүрэлдэхүүн шийдвэрээ гаргахаар хуралдаж байна.
Холбоотой мэдээ
Сэтгэгдэл ( 0 )