Баянхонгор аймгийн 80 жилийн ой, "Хангайн бүсийн хурд" уралдаан болно

Автор | Zindaa.mn
2022 оны 07 сарын 18

"Хангайн бүсийн хурд" уралдаан, Баянхонгор аймаг байгуулагдсаны түүхт 80 жилийн ойн баяр наадам долдугаар сарын 29, 30, 31-ний өдрүүдэд Баянхонгор аймагт зохион байгуулагдана.

Түүхт, тэгш ойн тохиож буй Баянхонгор аймгийн баяр наадамтай хамтатган Монгол Улсын арслан Пагамын Аюушийн мэндэлсний 100 жил, Доктор, профессор Сономын Лувсанвандангийн мэндэлсний 90 жилийн ойг тэмдэглэх юм. 

Урлаг соёл, нийгэм, улстөрийн алдартнуудын өлгий нутаг Баянхонгор аймаг өнөө жил хос Хөдөлмөрийн баатартай /Х.Цэвлээ, Т.Галсан/ болсны сацуу Үндэсний их баяр наадмын Их насны морьдын түрүү Баянхонгор аймгаас тодорч, торгон жолоогоо өргүүлсэн билээ. Үүгээр ч зогсохгүй өнөө жилийн наадамд Баянхонгорчууд өнөтэй сайхан наадаж, шинэхэн Улсын начинтай /Э.Батмагнай/ болсон юм. 

ДАШРАМД ӨГҮҮЛЭХЭД, БАЯНХОНГОР АЙМГИЙН ТҮҮХТ ОЙН БАЯР НААДАМ, ХАНГАЙН БҮСИЙН ХУРД УРАЛДААНЫГ ӨРГӨН НЭВТРҮҮЛГИЙН "ТВ 8" ТЕЛЕВИЗЭЭР ШУУД ДАМЖУУЛАН ҮЗҮҮЛНЭ. 

Баянхонгор аймгийн баяр наадам долдугаар сарын 29-ний өдөр Хурдан азарганы уралдаанаар эхлэх бөгөөд уламжлалт сурын харваа, хүчит бөхийн барилдаанаар үргэлжилнэ. Харин долдугаар сарын 30-ны өдөр баяр наадам үргэлжлэхийн сацуу Баянхонгор аймгийн "Гурван бүс" нэгдлийн уран бүтээлчдийн бүрэн хэмжээний шоу тоглолт болох бол долдугаар сарын 31-ний өдөр Сонгомол дээд насны морьдын уралдаан, спортын олон төрөлт арга хэмжээнүүд, хүндэтгэлийн хүлээн авалт болох юм. 

Мөн долдугаар сарын 31-ний өдрийн хаалтын үйл ажиллагаанд зориулан  "Хурд" хамтлагийн уран бүтээлчид тоглолтоо зориулан зохион байгуулна. 

БАЯР НААДМЫН ХӨТӨЛБӨР 

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
УЯАЧ(103.242.47.14) 2022 оны 07 сарын 18

хангайн бүс чинь улсынх байж чадахын юм уу Улсын болзол хангахгүй бүс нэртэй уралдаан юм бол зүгээр л бБАЯНХОНГОР ХУРД ГЭЭД болох юм бишүү гаад зарлал чинь худлаа байна

0  |  0
Top