Алла Пугачева ОХУ-даа харьж, шүүмжлэгчдэд хариу өгч эхэллээ

2022 оны 09 сарын 05

Украины дайн эхэлснээс хойш удалгүй Израилд очсон алдарт дуучин Алла Пугачева зургаан сарын дараа эх орондоо эргэн ирсэн нь Орост шуугиан тариад байгаа.

Түүний нөхөр Максим Галкин Украины дайныг хатуу шүүмжилсэн тул ОХУ-ын телевиз, театр, зар сурталчилгаанд тоглох боломжгүй болсон. Галкин одоо АНУ-д концерт тоглохоор бэлтгэж байгаа бол Алла хүүхдүүдээ сургуульд нь оруулахаар Москвад ирсэн юм. Хэдий дайныг шүүмжлээгүй ч Аллаг гадаадад гарсны дараа Орост маш ихээр шүүмжилсэн. Гэхдээ Галкинаас ялгаатай нь Пугачеваг өмгөөлөх алдартан ч олон байсан билээ.

Телевизийн хөтлөгч  Владимир Соловьев “Энэ бүх хог новш яагаад Орост буцаад ирж байгаа юм бэ? Пугачева гэгч эргээд ирлээ. "Роллс-ройс" машины хаалгыг хөлөөрөө онгойлгож байгаа бичлэгээ цацаад л. Бидэнд ном айлдаж, сургах гэж ирсэн юм яриад л. Ард түмэн түүний талаар юу боддогоо хэдийн илэрхийлсэн байгаа. Хэн нэгэн хүн хэзээ нэгэн цагт агуу хүн байсан бол түүхэн чухал үед чимээгүй суугаад байж таарахгүй. Хүүхдүүдээ сургуульд оруулах гэж ирсэн гэнэ үү? Нөхрөө юу ярьж байгааг нь сонсоогүй хэрэг үү? Эсвэл мөнгө нь дуусаад хүрээд ирэв үү” гэж юүтүүб сувгаар ярьсан юм. Хариуд нь Алла Пугачева “Володя их харамсалтай байна. Энэ их хорон санаа, бүдүүлэг байдлаасаа болоод тэсэрч, үхэж ч магадгүй шүү” гэж инстаграм хуудсараа дамжуулан хариуллаа.

Алдарт кино найруулагч Никита Михалков "Бесогон ТВ"-д ярилцлага өгөхдөө “Украин дахь тусгай ажиллагаа эхэлснээс хойш гадаадад гарсан дуучин, жүжигчид эх орныхоо өмнө байгуулсан гавьяагаа өөрийн гараар “устгасан” хүмүүс. Орост тэд хэрэггүй. Барууны суртал ухуулгад итгэж, ухаан нь хаагдсан хүмүүс” гэж хэлсэн юм. Мэдээж Алла Пугачева чимээгүй суусангүй. Хариуг нь тэр Михалковын найруулсан "Раба любви" киноны баатар Елена Соловеягийн хэлсэн “Ноёд оо, та бүхэн араатнууд юм. Та нарыг эх орон чинь хараах болно” үгээр хариу бариад “Сайхан кино. Сайн найруулагч. Харин сайн хүн Никита Сергеевич Михалков хаашаа алга болчихов?” гэж инстаграмдаа бичжээ.

Сэтгэгдэл ( 8 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
0,(202.179.10.169) 2022 оны 09 сарын 07

үхсэн ацан авгай

0  |  0
зочин(64.119.16.250) 2022 оны 09 сарын 06

Алла бол ахиад төрөхгүй авьяастайн юм, Тэр үнэхээо гайрамшиг

1  |  0
Зочин(202.126.88.77) 2022 оны 09 сарын 06

Энэ авгай одоо Орост хэрэггүй болсон.хэдэн дууных нь бичлэгийг Оросууд сонсоод байгаа бол тэр хүн хохирогч болж хувирлаа

0  |  1
Зочин(103.140.11.43) 2022 оны 09 сарын 06

Алла Пугачёва бол түүхэн хүн.

1  |  0
Damdin dorj(146.88.51.130) 2022 оны 09 сарын 06

Ардчилагч эмэгтэй юмаа...гайхалтай зоримог,шудрага ажээ! харин нөгөөдүүл нь цонхоор шидэхвийдээ бурхан минь!!!

4  |  0
Solongo(109.58.187.252) 2022 оны 09 сарын 06

Юм ойлгохгүйгээ ойлгохгүй балай авгай ард түмнийхээ хайрыг даасангүй, хүү шигээ жоохон бандитай суугаад ядаж тэрнийхээ амыг хамхиж явж чадаагүй, хохь нь

2  |  4
Зочин (202.55.188.83) 2022 оны 09 сарын 06

Ухаалаг соёлтой хүн мундаг юм аа. Браво Алдаж.

5  |  0
Zochin(202.9.46.36) 2022 оны 09 сарын 06

Alla best

3  |  1
Top