Хаан банкны ажилтан хуурамч гүйлгээгээр ИХ ХЭМЖЭЭНИЙ мөнгө завшжээ

Хаан банкны ажилтан хуурамч гүйлгээ хийж, их хэмжээний мөнгө завшсан хэрэг цагдаагийн байгууллагад бүртгэгджээ.

Цагдаагийн байгууллагад энэ оны арванхоёрдугаар сарын 19-ний өдрийн 18:15 минутад Сүхбаатар дүүргийн 8 дугаар хорооны нутаг дэвсгэрт байрлах банкны салбарын ажилтан касснаас 100 мянган ам.доллар хулгайлсан байна” гэх дуудлага, мэдээлэл бүртгэгджээ.

Дуудлага, мэдээллийг тус дүүргийн цагдаагийн газрын 1 дүгээр хэлтсээс шалгахад, Хаан банкинд ажилтай 27 настай, эрэгтэй З гэгч нь 2022 оны аравдугаар сарын 28-наас арванхоёрдугаар сарын 6-ны хооронд хуурамч гүйлгээгээр нийт 360 сая төгрөгийг завшсан байж болзошгүй байдал тогтоогдсон ба хэрэгт мөрдөн шалгах ажиллагаа явуулж байна гэж Цагдаагийн ерөнхий газраас мэдээллээ.