Владивосток хотын дарга асанд авлигын хэргээр 16.5 жилийн ял оноолоо

Лениний дүүргийн шүүх Владивосток хотын дарга асан Олег Гуменюкт авлига авсан хэргээр 16 жил таван сарын хорих ял оноожээ.

Хойд хөршийн хэвлэлүүдэд мэдээлж буйгаар хотын дарга асныг чанга дэглэмтэй хорих ангид ял эдлүүлэх бөгөөд мөн 150 сая рублийн торгууль оногдуулсан байна.

Прокурорын зүгээс өнгөрсөн арванхоёрдугаар сард Владивосток хотын дарга асанд 17 жилийн ял оноож, 150 сая рублиэр торгохыг шүүхээс хүсэж байсан юм.

Владивосток хотын дум 2021 онд Олег Гуменюкийг огцруулах шийдвэр гаргасан билээ. Дараа нь мөрдөн байцаалтын явцад түүний эд хөрөнгийг хурааж авсан байна.