ГОВЬ-АЛТАЙ: Тарваган тахлын сэжигтэй тохиолдлоор нэг хүн нас барлаа

Өчигдөр буюу энэ сарын 29-ний 10-11 цагийн орчимд Говь-Алтай аймгийн Цээл сумын төвөөс 50 км зайд Дэрстэй багийн нутагт шалтгаан тодорхойгүй нас баралт бүртгэгджээ.

Уг тохиолдлыг тарваган тахлын сэжигтэй байж болзошгүй гэж үзэн, онош тодруулахаар ЗӨСҮТ-ийн мэргэжил арга зүйн зөвлөгөөгөөр орон нутгийн Онцгой комисс, ЭМГ, ЗӨСТ-ийн хамтарсан баг голомтод хариу арга хэмжээг зохион байгуулан ажиллаж байна.

Онош тодруулах лабораторийн шинжилгээг Ховд аймгийн ЗӨСТ-д хийх бөгөөд онош тодруулах хүртэл Цээл суманд хөл хорио тогтоогоожээ.