Гэртээ 400 сая төгрөг хадгалсан Н.Одончимэгийг 1 сар хорих САНАЛ ГАРГАЛАА

Б.Гантуяа | Zindaa.mn
3 цагийн өмнө

Энэ сарын 16-ны өдөр Сүхбаатар дүүргийн ЗДТГ-ын даргын албыг түр орлон гүйцэтгэгч Н.Одончимэг нарын гурван хүнийг Авлигатай тэмцэх газраас саатуулсан.

Түүнийг өнгөрсөн есдүгээр сард ашиглалтад орсон Сүхбаатар дүүргийн "Сэлбэ" нэгдсэн эмнэлгийн барилгын тендертэй холбоотойгоор авлига авч, гэртээ хадгалсан байхад нь албаныхан ажиллагаа явуулсан байдаг.

Эх сурвалжийн мэдээллээр түүний гэрээс 400 сая төгрөг олдсон гэх бөгөөд Н.Одончимэг тухайн мөнгөний эх үүсвэрийг тайлбарлаж чадаагүй байна.

Улмаар түүнийг нэг сар цагдан хорих саналыг прокурор гаргаж, шүүхэд хүргүүлжээ. Прокурорын саналыг өнөөдөр /2024.10.18/ Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд хэлэлцэнэ.

Сануулахад, Н.Одончимэг нь одоогийн албан тушаалаасаа өмнө Сүхбаатар дүүргийн Засаг даргын дэргэдэх Худалдан авах ажиллагааны албаны даргаар 2017 оноос 2024 он хүртэлх хугацаанд ажиллаж байсан бөгөөд энэ хугацаандаа тус барилгын тендерийг “Ванхүү” ХХК-д өгч байсан байна.

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иргэн (202.179.26.62)  26 минутын өмнө

нэрээ хуруугийн тайрах хэрэгтэй тэгвэл ядаж хулгай хийхээ болино ш дээ

0  |  0
иргнэ (202.179.26.62)  27 минутын өмнө

жинхэнэ луйварчид байгаа юм биш үү одоо наад хүүхэн ээ сайн шалгаад хорих хугацаагийн сунгаад бай тэгэхээр нөгөө хамсаатангууд аа хэлээд заагаад өгнө шүү

0  |  0
Гаа (202.126.90.245)  59 минутын өмнө

Хулгайч авгай далд ор !!!

0  |  0
Баяржавхлан (203.23.199.2)  2 цагийн өмнө

Хулгайч нарын хурууг нэг нэгээр тайрдаг болмоор байна Тэгвэл олон түмэн тэднийг таних болно

0  |  0
Top