Н.Алтанхуяг, Н.Мөнхбат нарыг цагаатгасан шийдвэрийг ХҮЧИНГҮЙ БОЛГОЛОО

Монгол Улсын дээд шүүхийн хяналтын шатны эрүүгийн хэргийн шүүх хуралдаанаар Хөгжлийн банкны гэх тодотголтой 80 хүн, 4 хуулийн этгээдэд холбогдох 540 хавтаст хэрэг бүхий хэргийг прокурорын эсэргүүцэл болон нэр бүхий 41 шүүгдэгч, тэдгээрийн өмгөөлөгч нарын гаргасан гомдлыг үндэслэн хэлэлцэж байна.

Улмаар анхан болон давж заалдах шатны шүүхийн шийдвэрийг хянаж өнөөдөр /2024.12.11/ шийдвэрээ танилцууллаа. 

Ингэхдээ тус хэргүүдийг Ерөнхий сайд болон УИХ-ын гишүүний холбогдсон хэрэг, ТУЗ-ын дарга, гишүүдийн хэрэг, Хөгжлийн банкны Зээлийн удирдлагын хорооны дарга, гишүүний холбогдсон хэрэг, банкны мэргэжилтнүүдийн холбогдсон хэрэг, зээлдэгч нарын холбогдсон хэргүүдийг таван хэсэг болгожээ.

Тухайлбал, Н.Алтанхуяг, Н.Батбаяр, Б.Шинэбаатар, Н.Мөнхбат хэргийг цагаатгах шийдвэрийг хэрэгсэхгүй болгож дахин хэлэлцүүлэх болсон байна. 

Мөн ТУЗ-ын гишүүдийн бүх хэргийг дахин хэлэлцүүлэх үндэслэлтэй гэж үзсэн. Тодруулбал, Б.Даажамба, Ж.Оюунчимэг, Б.Махбал, Д.Даваасамбуу, Ж.Үхэртар, Д.Бат-Очир, Ж.Бат-Эрдэнэ, С.Магнайсүрэн, М.Баярмагнай, Б.Шинэбаатар, Ч.Отгочулуу, Ч.Нэргүй, М.Баянмөнх, Б.Найдалаа, Б.Лхагвасүрэн, Р.Батбаяр, М.Золжаргал, Г.Дашзэвэг, Г.Одонтуул, Б.Батзаяа, Н.Баярчимэг О.Хуягцогт нар байна.