АНУ-д сүүлийн 10 жил ороогүй их хэмжээний цас орно

АНУ-д сүүлийн 10 жил ороогүй их хэмжээний цас орж, шуурга шуурахыг анхааруулж байна.

CNN агентлагийн мэдээлснээр, Вашингтонд 15-25 см цасан бүрхүүл тогтох төлөвтэй байна. Цасан шуурганы бүсэд 70 сая хүн амьдарч байгаа бөгөөд салхины хурд 80 км/ц-т хүрч болзошгүй гэж цаг уурчид сэрэмжлүүлжээ. Үүнтэй холбогдуулан Вашингтонд онц байдал зарлаад байна. Их хэмжээний цасны улмаас АНУ-ын 12 мужид цахилгаан хангамжид саатал гарч болзошгүй байна.

Харин тус улсын өмнөд хэсэгт хүчтэй аадар бороо орох төлөвтэй байна.