“Мал аж ахуйн эдийн засгийн эргэлтийг нэмэгдүүлэх” төслийн хүрээнд хэлэлцүүлэг зохион байгуулж байна

Хүнс, хөдөө аж ахуй, хөнгөн үйлдвэрийн яам (ХХААХҮЯ) Дэлхийн банкны санхүүжилтээр хэрэгжүүлж буй “Мал аж ахуйн эдийн засгийн эргэлтийг нэмэгдүүлэх” төслийн “Шинэлэг шийдэл” хөтөлбөрийн үр дүнг түгээн дэлгэрүүлэх, тогтвортой байдлыг хангах, хамтын ажиллагааг өргөжүүлэх арга хэмжээг Дархан-Уул аймагт зохион байгуулж байна.

Тус арга хэмжээг ХХААХҮЯ-ны Төрийн нарийн бичгийн дарга Т.Жамбалцэрэн нээж үг хэлсэн бол төслийн зохицуулагч Л.Баяртулга “МАА-н ЭЗЭН” төслийн танилцуулга, арга хэмжээний хүлээгдэж буй үр дүн, “Цахим хоршоо” төслийн талаар мэдээлэл өглөө.

Энэхүү арга хэмжээ нь мал аж ахуйн салбарын эдийн засгийн өсөлтийг дэмжих, шинэлэг шийдлийг түгээн дэлгэрүүлэх, оролцогч талуудын хамтын ажиллагааг өргөжүүлэхэд чухал ач холбогдолтой юм.