Пол Жорж: Подкаст бол миний сэтгэлзүйн эмчилгээ

Өвдөгний гэмлийн улмаас энэ улиралд дахин тоглох боломжгүй болсон Пол Жорж сэтгэл санаа хэцүү үедээ подкаст дэм болсон тухай ярьжээ."Би подкаст хийж эхлэхээр шийдэхдээ л олон нийтийн зүгээс эсэргүүцэл, дургүйцэл ирнэ гэдгийг таамаглаж байсан. 24 цагийн турш спорзааланд байх ёстой гэх мэтээр хүмүүс намайг чичилнэ гэдгийг мэдэж байсан.

Гэвч үнэндээ подкаст надад сэтгэлзүйн эмчилгээ болсон юм байхгүй юу. Үүнийг хөтөлж, сэтгэлээ нээж эхэлснээр хөшигний ард, хэний ч анхааралгүй, мэдэхгүй өнгөрдөг зүйлсийг ил гаргаж ярих боломж нээгдсэн" гэж Пол Жорж өгүүлсэн байна.

Пол Жорж улирлын 41 тоглолтод оролцохдоо дунджаар 16.2 оноо, 5.3 самбар, 4.3 дамжуулалттай, талбайд дунджаар 32.5 минут тоглосон.