УИХ-ын дарга Д.Амарбаясгалан жагсагчидтай уулзаж байна

Б.Гантуяа | Zindaa.mn
2025 оны 05 сарын 29

Ерөнхий сайдад итгэл үзүүлэх эсэх тухай тогтоолын төслийг УИХ-д өргөн барьсан явдлыг “Огцрох амархан” жагсаалын залуус эсэргүүцэж, УИХ-ын дарга Д.Амарбаясгалантай 24 цагийн дотор уулзах шаардлага хүргүүлсэн байна. Энэ дагуу УИХ-ын дарга Д.Амарбаясгалан одоо жагсагчдыг хүлээн авч уулзах бөгөөд хэвлэл мэдээллийнхнийг оролцуулахгүй хаалттай хийхээр болжээ.
 

Жагсагчдын зүгээс:
 

  1. Улсын Их Хурал нь Засгийн газарт хяналт тавих бүрэн эрхтэй институт болохын хувьд хяналтын механизмаа ажиллуулах
     
  2. Иргэдийн дунд уур бухимдал үүсгээд буй асуудал нь хамтарсан Засгийн газрын асуудал бус Л.Оюун-Эрдэнэ хэмээх албан тушаалтны өөрийн хариуцлага хүлээх асуудал тул үүнийг засаглалын институт хоорондын асуудал болгож өргөжүүлэлгүй, тус албан тушаалтны өөрийнх нь хариуцлагын хүрээнд шалгах, хариуцлага тооцох
     
  3. УИХ-д Итгэл хүлээлгэх тогтоолын төсөл боловсруулахдаа хамтарсан Засгийн газарт холбогдуулан томьёолсон нь асуудлыг Ерөнхий Сайд Л.Оюун-Эрдэнээс булзааруулсан шинжтэй байгааг анхаарч УИХ-ын дарга албан ёсны байр сууриа иргэдэд нээлттэй илэрхийлэх гэдэг шаардлага тавьж байгаа юм. 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Хашир (43.242.243.70)  2025 оны 05 сарын 29

Энэ талын жагсагчдын үндсэн гол зорилго нь ямар ч үнээр, ямар ч аргаар хамаагүй Оюун-Эрдэнэ гэдэг хүнийг л ЕС-аас зайлуулах гэсэн санаа улам ил тод болж байна даа. Ард нийтийн эрх ашиг уу, авигачдын эрх ашиг уу.

0  |  0
зочин (66.181.166.196)  2025 оны 05 сарын 29

Хаха, огцрох амархан жагсаалын төлөөлөл гэсэн чинь Оюун-Эрдэнийн шургуулсан улсууд байвал яана, кк

0  |  0
Close menu