30 настай, алдарт марафонч бэлтгэл дээр ухаан алдаад, сэргэлгүй өөд болжээ

Дэлхийн аварга марафонч бүсгүй Шеварге Ален 30 насандаа ертөнцийн мөнх бусыг үзүүлсэн талаар өчигдөр эмгэнэлт мэдээ түглээ.

Этиопын нийслэл Аддис-Абебагийн ойролцоо бэлтгэл хийж байхдаа гэнэт ухаан улдаж унаад, дахин сэргэлгүй нас баржээ. Одоогоор үхлийн шалтгааныг тодорхой мэдээлээгүй байна.

Ердөө дөрвөн сарын өмнө буюу тавдугаар сард Стокгольмын марафонд 2:30.38 цагийн амжилттай түрүүлсэн Ален мэргэжлийн тамирчны хувиар 27 марафонд оролцохдоо 12-т нь түрүүлсэн гайхамшигтай амжилтын эзэн байлаа. Өнгөрсөн нэгдүгээр сард л гэхэд Тата-Мумбаигийн марафонд 2:29.34 цагийн амжилтаар түрүүлж, бэлтгэл ханаж, формдоо бүрэн орсоноо нотолж байсан юм.

“Бид зөвхөн аугаа тамирчнаа бус мөн залууст үлгэр дуурайлал болсон эрхэм нэгнээ алдлаа” хэмээн дасгалжуулагч нь өгүүлжээ.