Улаанбуудай үйлдвэрлэлийн өртөг тооцох судалгааны ажил хийгдэж байна

“Хөдөө аж ахуйн корпораци” ТӨХХК-иас Монголын Тариаланчдын үндэсний холбоотой хамтран хүнсний гол нэрийн стратегийн бүтээгдэхүүн болох улаанбуудайн 2026 оны тариалалтын нэгж талбайн дундаж өртгийг тооцох судалгааны ажлыг зохион байгуулж байна. Энэ хүрээнд Ургамал хамгааллын газар, Ургамал газар тариалангийн эрдэм шинжилгээний хүрээлэн, аймгуудын Хүнс, хөдөө аж ахуйн газар хамтран газар тариалангийн бүс нутагт ажиллаж, тариаланчдын дунд түүвэр судалгаа хийж байгаа юм. Судалгаанд 11 аймгийн 41 сумын 120 тариаланч иргэн, аж ахуйн нэгжийг хамруулахаар төлөвлөжээ.