Ж.Мөнх-Эрдэнэ: Би аливаа зүйлийг хойш нь тавих дургүй

-Камертон-2 шоунд оролцох болсон шалтгаан?

-Би эрэгтэй хамтлагийн дуучид шалгаруулах тэмцээн болоосой гэж хүсдэг байсан. Учир нь миний хоолой хамтлагт тохирно гэж боддог. Хүсэл мөрөөдлөө биелүүлэх гэж энэ тэмцээнд орсон.

-Шүтдэг хамтлаг дуучин?

-Камертон, Маралжингоо, Агиймаа, Chris Brown, Usher

-Тэмцээний шалгаруулалтын явцад их магтуулсан?

-Ер нь сайн магтуулсан л даа. Бараг шүүмжлэл сонсоогүй юм байна. Сэтгэлд хоногшсон нь “хоолойны өнгө гоё” гэж магтуулсан. 3-р шатанд басс өнгөөр дуулсан чинь бяруу шиг дуугарлаа, наадахаа боль гэсэн.

-Хамгийн хэцүү шат аль нь байсан бэ?

-Хамгийн хэцүү шат бол багаар ажилласан 3-р шат байсан. Манай багт бусад багийг бодвол насны зөрүүтэй оролцогчид их байсан.

-4-р шатандаа ямар дуу дуулах гэж байна?

-Камертон хамтлагийн “Миний л хайр” гэж дууг дуулахаар болсон.

-Бэлтгэл сургуулилт хэр их хийв?

-Бэлтгэлээ сайн хийсэн. Санаа зовох зүйл байхгүй. Одоо өөрийгөө шалгуулах л үлдлээ.

-Хамгийн хүчтэй өрсөлдөгч?

-Надтай адилхан хоолойны тембертэй Сүх-Эрдэнэ, Баярмандах нар.

-Хэзээнээс дуулж эхэлсэн бэ?

-2-р шатанд “Чи дуулахыг хаана сурсан бэ” гэж Мээдээ шүүгчийг асуухаар нь “Цэцэрлэгт байхаасаа” гэж хэлээд онигоонд орсон. Багаасаа дуулдаг байсан.

-Оролцож байсан хамгийн том тэмцээн болоод шагнал?

-“Universe best songs”-т орж байсан. 2011 онд 4-р шат хүртэл явсан. 2004 онд Найрамдал төвд болж байсан “Азийн хүүхдийн урлагийн их наадам”-аас  алтан медаль хүртсэн. Одоогийн байдлаар миний авсан хамгийн том шагнал.

- Чиний дуулах хүсэл мөрөөдлийг гэр бүлийнхэн чинь хэр их дэмждэг вэ?

-Арван жилээ төгсөөд СУИС-д элсэе гэж боддог байсан ч гэр бүлийнхэн маань дэмжээгүй. Одоо би эрхзүйч мэргэжлээр сурдаг. Харин энэ тэмцээнд оролцсоноос хойш гэр бүл, найзууд маань их дэмжиж байгаа.

-Гэр бүлээ танилцуулаач?

-Ам бүл долуулаа. Хоёр ах, нэг эгч, нэг эмэгтэй дүүтэй.

-Найз охинтой юу?

-Байхгүй.

-Ямар охид таалагддаг вэ?

-Хөөрхөн, цэвэрхэн, сайхан ааштай.

-Охидоос хамгийн түрүүлж хардаг зүйл?

-Царай, гар, гутал.

-Анхны хайртайгаа учирсан уу?

-Учирсан. 9-р ангид байхад манай ангид нэг охин шилжиж ирсэн. Тэр охинтойгоо нэг  жил үерхсэн. Анхны хайр мартагддаггүй гэж үнэн юм шиг санагддаг.

-Амьдралдаа баримталдаг зарчим?

-Цагийн юм цагтаа. Би юмыг хойш тавих дургүй.

-Дуулах ур зүй тал дээр зөвлөгөө өгдөг багш бий юу?

-Байхгүй. Бор зүрхээрээ л оролцож байгаа. Яагаад багшаар бэлдүүлээгүй вэ гэвэл одоогийн  дуулж байгаа байдал маань шүүгч нарт таалагдаж байгаа.