Элчин сайд Б.Дэлгэрмаа Ханхүүд бараалхжээ
Монгол Улсаас Бруней Даруссалам Улсад суух Онц бөгөөд Бүрэн эрхт энэ сарын 04-нд Бруней Даруссалам Улсын Гадаад хэрэг, худалдааны сайд Эрхэмсэг дээд Ханхүү Мухамед Болкиах-д бараалхаж, Гадаад харилцааны сайд Л.Болдын захидлыг албан ёсоор гардууллаа.
Уулзалтын үеэр Шинэчлэлийн Засгийн газрын Гадаад харилцааны сайд Л.Болд АСЕАН-ы орнууд болон Зүүн Өмнөд Азид гадаад харилцаа, хамтын ажиллагааг түлхүү хөгжүүлэх чиглэлээр идэвх зүтгэл гарган ажиллаж буйг тэмдэглэн, манай улс тус бүс нутаг дахь интеграчлалын үйл явцад нэгдэн орж, өөрийн хувь хандиваа оруулах хүсэлтэй байгааг илэрхийлсэн бөгөөд АСЕАН-ы Гадаад харилцааны Сайд нарын 46 дахь хуралдаанд Гадаад харилцааны сайд Л.Болдыг урьж оролцуулан, Монгол Улсыг тус байгууллагын яриа хэлэлцээний түнш болох сонирхлоо илэрхийлэх боломж олгох тал дээр энэ жил АСЕАН-ыг даргалж байгаа улсын хувьд дэмжинэ үү хэмээн хүсэлт тавьжээ.
Эрхэмсэг дээд Ханхүү Мухамед Болкиах Гадаад харилцааны сайд Л.Болдод мэнд дэвшүүлэхийн ялдамд АСЕАН-ы яриа хэлэлцээний түнш болох сонирхлоо Пакистан, Шри Ланк, Бангладеш зэрэг орон мөн илэрхийлсэн байгаа хэдий ч танай талын хуралд оролцох хүсэлтийг нааштай хүлээн авч хариуг албан ёсоор мэдэгдэнэ хэмээв.
Мөн өдөр Элчин сайд Б.Дэлгэрмаа тус улсын Гадаад харилцаа, худалдааны яаманд АСЕАН-ы Захирал Жохариа Вахабтай уулзлаа. Тус уулзалтаар манай талаас тавьж буй хүсэлтээ илэрхийлж, улмаар 46 дахь хуралдааныг зохион байгуулах ажлыг хариуцаж буйн хувьд дэмжин ажиллахыг хүслээ.
Холбоотой мэдээ
Сэтгэгдэл ( 1 )
Mongolchuudaa harj uzdeggui nohoinoos dor uzdeg ene olon elchin saidaar yah n ve””””Ard tumen yaduu uls oron ediin zasgiin tuildaa orson ued Elchin saidin yamduudig haagaad ter olon say terbum $oor zezerleg surguuli barival heregtei baihaa.. Ter Egipeted baigaa Elchig hardaa Mongolulsinhaa irgeniig nohoinoos dor uzej Gadaad sumiin baiguullagudaar damjuulj pasportoo avch zardlaa tuluulj irsen baigaa....heden muuhai yajgii avgai narig ingej ulsin hurunguur togluulah gejdee