Д.Оюунхорол: АН-ын сайд биш, Засгийн газрын сайд гэдэг үүднээс хариулаач

УИХ-ын чуулганы хуралдаанд хэлэлцэж буй асуудлын хүрээнд УИХ-ын гишүүн Д.Оюунхорол ийн хэллээ. Тэрбээр эрхэм сайдыг асуудалд огт өөр байр сууринаас хандаж, гол зүйлээс хазайж байна хэмээн шүүмжлэн “Ард иргэдийн амьдрал өдрөөс өдөрт уруудан доройдож байхад та шал өөр юм яриад сууж байна. АН-ын сайд биш, ард түмний төлөөлөл болсон Засгийн газрын сайд гэдэг үүднээс хариулаач. Асуусан зүйлд огт өөр юм хариулаад байх юм. Бараа бүтээгдэхүүн, мах, ногооны үнэ улам өсч байгаа нь хэний буруу юм бэ” хэмээн ярилаа.

Ерөнхий сайдын хувьд, үнэ нь тэнгэрт хадах дөхсөн нүүрсний үнийг буулган, ард иргэдэд хүртээмжтэй болгохын тулд авч хэрэгжүүлсэн ажил нь хэрхэн бүтсэн. Бензин түлшний асуудлыг шийдэхээр найман сарын турш ажиллаж байгаагаа тайлбарласан юм. Харин зарим гишүүд түүний энэ хариултад нэлээдгүй бухимдаж, нүүрсний үнэ одоо хэр нь буугаагүй байгааг сануулсан бөгөөд амралтын өдөр эрхэм сайдтай хамт түлээ, нүүрс борлуулж буй газруудаар явахыг хүсч байлаа.

Р.Есүй