С.Бямбацогт: Сайд нар нь Засгийн газрынхаа толгой дээр гараад суучихаж

УИХ-ын чуулганы нэгдсэн хуралдаанаар Монгол Улсын Ерөнхий сайд Н.Алтанхуягийг огцруулах асуудлыг хэлэлцэж буй бөгөөд гишүүд үгээ өөрсдийн байр суурийг илэрхийлж байна.

С.Бямбацогт: -МАН-ын бүлгээс гаргасан зургаан үндэслэл үнэхээр баримттай. Та нар төрийн албан хаагчдыг хоморголон халж, ахан дүүсээ өөд нь татахын тулд энэ Засгийн газрыг байгуулаагүй биз дээ. Төрийн албыг цомхон, чанартай болгоно гэчихээд харин ч бүр орон тоог нь нэмэгдүүлж, яам, тамгын газрынхаа тоог өсгөсөн биз дээ. Тэр олон орон тоог хэний ах дүү, хамаатан саднаар дүүргэсэн бол доо. МАН-ынхан муу, АН-ынхан сайн гэх сурталчилгааг баруун солгойгүй хийхээ болиоч. Тааруухан юм болохоор л МАН-ынхан руу чихэж, улстөржих хэрэггүй дээ. Энэ хэдэн ард түмнээ хооронд нь талцуулж, дайсагнуулах ямар ашигтай гэж.

Р.Есүй