У.Барсболд Хяналт, ёс зүйн дэд хороонд гомдол гаргажээ

МАХН-ын нарийн бичгийн дарга У.Барсболд өөрийг нь намын гишүүнээс хассан тухай шийдвэр нь МАХН-ын дүрмийн олон заалтыг ноцтой зөрчиж байна хэмээн зохих журмын дагуу гишүүний эрхээ хамгаалуулахаар Хяналт, ёс зүйн дэд хороонд гомдол гаргасан байна.

Тэрбээр МАХН-ын дүрэмд гишүүнийг намаас хасах тухай, тэр тусмаа энэ шийдвэрийг Гүйцэтгэх товчоо гаргах тухай ямар нэгэн заалт байхгүй. Мөн гишүүнээс хасах тухай шийдвэрийг хэлэлцэхдээ намын гишүүнийг өөрийн биеэр хуралд оролцуулалгүйгээр, нууцаар шийдвэр гаргасан зэргийг үндэслэн гомдол гаргажээ.

Р.Есүй