МАХН-ын Бага хурал өнөөдөр болно

МАХН-ын Бага хурал өчигдөр болох байсан ч тодорхойгүй шалтгаанаар хойшилсон билээ. Тус нам 2013 оны Ерөнхийлөгчийн сонгуульд дангаараа оролцох уу эсвэл аль нэг намтай хамтрах уу гэдгийг энэ хурлаар шийдэх байсан юм. Тэгвэл Бага чуулган өнөөдөр 15.00 цагт болохоор товлогдлоо. 

МАХН-аас Шадар сайд Д.Тэрбишдагва, УИХ-ын дэд дарга Л.Цог, УИХ-ын гишүүн Ц.Цолмон, Эрүүл мэндийн сайд Н.Удвал нар нэр дэвших магадлалтай байгаа. Харин Сангийн сайд Ч.Улаан энэ удаа Ерөнхийлөгчийн сонгуульд нэр дэвшихээс татгалзсан тухай эх сурвалж мэдээллээ.