АН архины хяналтын тухай хуулийн төсөл боловсруулна

Сүүлийн үед эрх баригчид шүүх цагдаагаар сөрөг хүчнээ дарамтлах, хийж буй ажилд нь саад тотгор үүсгэх зэрэг бусармаг үйлдэл хэрээс хэтэрлээ.

Өчигдөр буюу энэ сарын 27-нд МАН-ын Хэрэг эрхлэх газрын дарга Ш.Раднаасэдэд Лениний музейн асуудлаар эрүүгийн хэрэг үүсгэсэн байна. Ш.Раднаасэд нь өмнө нь хоёр ч удаа Үндсэн хуулийн цэцэд ерөнхий сайд Н.Алтанхуягийн хууль бус үйлдлийн талаар гомдол мэдүүлж, заргаа авч байсан. Ш.Раднаасэд нь одоо МАН-ын зүгээс нэр дэвшигч Б.Бат-Эрдэнийн сонгуулийн сурталчилгааны компанит ажлыг удирдаж байгаа хүмүүсийн нэг юм.

Тиймээс эрх баригчдын зүгээс сурталчилгааны компанит ажлыг зориудаар тасалдуулах, саад тотгор учруулах зорилготой байхыг ч үгүйсгэхгүй юм. Ш.Раднаасэдийг өчигдөр УМБГ-т дуудаж өдөржин шахуу байцаасан байна. Иймд цагдаагийн байгууллага хэт нэг талыг барьж, улс төржиж, сонгуулийн компанит ажилд зориудаар саад тотгор учруулж байна хэмээн МАН-ын зүгээс үзэж байгаа юм байна. Иймд эрх баригчдыг МАН-ын сонгуулийн компанит ажлыг цагдаагийн байгууллгаар дамжуулан тасалдуулахаа нэн даруй зогсоохыг МАН-ын зүгээс шаардсан байна.