Ерөнхийлөгчид нэр дэвшигчид ба шашин шүтлэг

Энэ удаагийн ерөнхийлөгчийн сонгуульд өрсөлдөх хоёр гол өрсөлдөгч маань шашин шүтлэгээрээ өдөр шөнө шиг ялгарах нь ээ. Одоогийн ерөнхийлөгч Ц.Элбэгдорж АНУ-д олон жил сурч амьдарсан болоод ч тэр үү, гадаад дотоод явж гахай шувууны мах их идсэн болоод ч тэр үү ерөнхийдөө шашинд их олон ургальч байдлаар ханддаг нэгэн. Одоогоос дөрвөн жилийн өмнө ерөнхийлөгчийн сонгуулийн үеэр Солонгосын Мүүний шашины тэргүүнтэй сүжирч, тус шашиныханаас дэмжлэг аван, хурал цуглаанд нь оролцож байсан бичлэг хэвлэл мэдээллийн хэрэгсэлээр зөндөө л гарч байсан. Өнөөх Мүүний шашин гэдэг нь нэг хүнийг тахин шүтдэг тун ч харгис хэрцгий шашин юм гэнэ билээ. Харин дархан аварга Б.Бат-Эрдэнийн хувьд гүн бишрэлт буддист нэгэн билээ. Бурхан шашинтаны тэргүүн Гандантэгчинлэн хийдийн тэргүүн хамба Чойжамцтай найзалж, эрих эргүүлж, тарни уншиж, нүдээ анин бясалгах нь Баагий аваргын бас нэг имидж юм. Баагий аварга буддын шашинд гүн бат бишрэлтэй гэдэгээ хэнээс ч нуудаггүй бөгөөд олны нүдэн дээр сунаж унан залбирч, хангай дэлхийдээ идээ цагааныхаа дээжийг өргөж, уул усаа тахин шүтэж, арц хүж уугиулан бурханы шашины ариун үйлийг гүйцэлдүүлж явдаг гэнэ билээ. Мөн нэр дэвшигч Н.Удвалын хувьд намын дарга нь бурханы шашиныг шүтэж, амьдралын мөрдлөг болгон Бурхан багшийн сургаалийг энэтхэг, хинди хэлнээс орчуулсан нэгэн болохоор лав бурханы шашинтан байх гэж найднам.