Хонгор нутгийнханд хонгор охин хайрлалаа, Н.Удвал сайд
Монгол Улсын Ерөнхийлөгчид нэр дэвшигч Н.Удвал Баянхонгор аймагт ажиллаж байна. Эрүүл мэндийн сайд Н.Удвал тус аймгийн эмнэлгийн удирдлагууд, ажилчидтай эхэлж уулзсан байна. Нэр дэвшигч Н.Удвалыг уулзалт хийх үеэр тус аймгийн Нэгдсэн эмнэлэгт төрөх дөхсөн эмэгтэй таарсан аж. Эмнэлгийн ажилчид салбарын сайддаа “Та олон аймаг, сумдаар ажиллаж байгаад Баянхонгорт ирлээ. Таны хийх уулзалтын энэ цаг мөчид төрөх гэж буй ээжтэй таарлаа. Та эх барьж авах боломж байвал энэ эмэгтэйг төрүүлж өгнө үү гэсэн найрсаг хүсэлтийг тавьсан байна. Эх ч өөрөө “таньтай таарсандаа ихэд бэлэгшээж байна” гэжээ. Тэдний энэ хүсэлтийг салбарын сайд хүлээж аваад “Би 1978 онд хүүхэд эх барьж авч байсан. Одоо миний эх барьж авсан хүүхэд 30 гаруй насны хүүхэд бий. Одоо төрөх гэж байгаа эмэгтэй өөрөө хүсч байвал би төрүүлж өгч туслалгүй яахав. Гэхдээ үүнийг сонгуулийн сурталчилгаа гэж нийтэд ойлгуулахгүй байхыг хүсье” гэсэн юм.
Ингээд Эрүүл мэндийн сайд Баянхонгор аймгийн Нэгдсэн эмнэлэгт төрөхөөр ирсэн Баянхонгор аймгийн иргэн Х.Сайнжаргалын 2 дахь хүүхдийг эх барьж авлаа. Сайдын эх барьсан охин 3400 кг төрсөн бөгөөд эх, охины биеийн байдал сайн байна. Амар мэнд амаржсан эх Х.Сайнжаргал сайдад талархал илэрхийлээд охиндоо Э.Удвал гэж нэр хайрлажээ.
Холбоотой мэдээ
Сэтгэгдэл ( 2 )
MAHN.MAN EKHBAYAR ARDCHILLIIN 20 JIL TUR BARIHDAA YAAMAR CH HAYANLTGVI DURAARA DURGIJ UURSDUU L BAYAJSAN BOLOHOOS ARD TVMNIIHEE TULUU YU HIISEN YUM BE? YUM SHUDARGA YOS YARIAD BAINAA.ICHMEER YUM.
Эрүүл мэндийн салбар нь мөнхийн асуудалтай маш хүнд салбарыг хүлээн аваад зориуд улс төржүүлсэн занганд Удвалыг хийх гэсэн боловч чадаагүй тэр тэсээд л гарсан Шударга байсангүй гэж шүүмжилнэ шударга байвал бүүр их шүүмжилдэг зовлон Удвалыг тойроогүй дайрсан даваад л гарсан