МАН-д шаардлага хүргүүлжээ
Монгол Улсын Сонгуулийн Ерөнхий Хороо Монгол Ардын намд хандаж шаардлага хүргүүллээ.
Тэрхүү шаардлагад, тус намаас Монгол Улсын Ерөнхийлөгчийн сонгуульд нэр дэвшигч Б.Бат-эрдэнэ нь “Зууны мэдээ” сонины 2013 оны 6 дугаар сарын 6-ны өдрийн №145 дугаарт “...Улаанбаатар хот, Дархан-уул,Орхон, Хөвсгөл аймгуудын нийт хэсгүүдэд саналын хуудсыг гараар давхар тоолон баталгаажуулахад санал нэгдэхийг уриалж байна” гэсэн Уриалгыг Монгол Улсын Ерөнхийлөгчид нэр дэвшигч Ц.Элбэгдорж, Н.Удвал нарт хандаж гаргасан байна.
Монгол Улсын Ерөнхийлөгчийн сонгуулийн тухай хуулийн 55 дугаар зүйлийн 55.13-т “Санал хураалт дуусмагц сум, дүүргийн сонгуулийн хороо харьяа бүх хэсгээс санамсаргүй сонголт /сугалах/-ын аргаар суманд нэг, дүүрэгт хоёр хэсгийг сонгож хяналтын тооллого хийлгүүлнэ” гэж хуульчилсан, мөн хуулийн 33 дугаар зүйлийн 33.7.7-д “...нэр дэвшигч, нам...сонгуулийн болон бусад хууль тогтоомж зөрчихийг уриалсан агуулга бүхий сурталчилгаа явуулах”-ыг хориглосон байгаа билээ.
Гэтэл нэр дэвшигч Б.Бат-эрдэнийн гаргасан Уриалга нь хуулийн дээрх заалтуудыг зөрчиж байна. Монгол Улсын Ерөнхийлөгчийн сонгуулийн тухай хуулийн 33 дугаар зүйлийн 33.19-д зааснаар, мөн хуулийн 33 дугаар зүйлд заасныг зөрчсөн нэр дэвшигч болон намд захиргааны хариуцлага хүлээлгэхээр хуульчилсан болно.
Иймд дээрх хууль зөрчсөн үйлдлийг нэн даруй арилгах арга хэмжээ авч, Сонгуулийн Ерөнхий Хороонд 2013 оны 6 дугаар сарын 10-ны өдрийн дотор хариу мэдэгдэхийг шаардаж байна. Энэхүү шаардлагыг биелүүлээгүй тохиолдолд Монгол Улсын Ерөнхийлөгчийн сонгуулийн тухай хуульд заасны дагуу хариуцлага хүлээлгэх асуудлаар холбогдох байгууллагад хандах болно гэж мэдэгдсэн байна.
Холбоотой мэдээ
Сэтгэгдэл ( 7 )
...сонгуулийн хууль тогтоомж зєрчихийг уриалсан агуулга бvхий сурталчилгаа явуулхыг хориглоно 33.7.7
...сонгуулийн хууль тогтоомж зєрчихийг уриалсан агуулга бvхий сурталчилгаа явуулхыг хориглоно 33.7.7
Garaar davhar toolchihoos yundaaa aigaad bna. Sudarga l baiya l daa. Songuuliin yoronhii horoo mini songuuli hargui serdeltgui shudarga l baival art tumeniii songolt batalgaajina shuu dee. Ene baitugai yum uurchildug ulsiin ih hurliin gishuudeee naadahaa ergen neg haraach. Shudarga ursulduyu. Garaar davhar toolchihoos yuuuug ni tserveed bna aa
л үлдэж дээ.
...сонгуулийн хууль тогтоомж зєрчихийг уриалсан агуулга бvхий сурталчилгаа явуулхыг хориглоно 33.7.7
Hoorhiiiii dooo tsaadah chin huulind maruuhan deereees ni manaraaa bas****hatavch vmhiii vnertneeee gej .... komnist hvchindegch ni arilaagvi bn shvvdeee . Durgvi hvrgeseneee buudaj shvshih viideeee .anhaarah tun mongolchuudaa
Аврага чинь хуулийн талаар бүрэн төгс мэдлэгтэй гээд л МАН-ыхан яриад байсан нь худлаа ярьж байсан юм байна шүү.