Ё.Отгонбаярт гишүүнийхээ бүрэн эрхээс татгалзах санал тавьсан уу

УИХ-ын гишүүн Ё.Отгонбаярын асуудал хүндэрч байгаа бололтой. Өөрийгөө хичнээн “Би бу­руугүй” гээд ч түүнд хол­богдох хэргүүд өдөр ирэх тусам улам нэмэгдсээр байна.

УИХ-ын дарга З.Энхболд түүн­тэй ганцаарчлан уул­заж “Гишүүнийхээ бүрэн эрхээс өөрийн саналаараа тат­­галз” гэх санал тавь­сан тухай эх сурвалжууд мэ­дээлж эхэллээ.

Ё.Отгонбаяр өөрийн сана­лаар УИХ-ын гишүүний бүрэн эрхээсээ татгалзахад хүрвэл түүнийг шууд цагдан хорих нь ойлгомжтой. Тэгэхээр гишүүн буруугаа хүлээн зөвшөөрч чадах эсэх, огцрох өргөдлөө өгөх үү гэдэг нь анхаарал татаж эхлээд байна.

О.Эрдэнэсо­лонгыг их хэм­жээний мөнгө угаасан байж болзошгүй гэж үзэн 461 дүгээр хорих ангид саатуулсан ч Ё.Отгонбаяртай холбоотой ноцтой мэдээллүүд хууль хяналтынхны гарт баримттайгаар орж ирж байгаа учраас гишүүнийг хааш нь ч хөдөлгөхгүйгээр барьж байна гэж хэлэхэд болно.

Өнгөрсөн долоо хоногт цагдаа, прокурорынхон ги­шүү­ний эхнэр О.Эрдэнэсолон­готой холбоо­той мэдээллийг хийсэн бол өчигдөр УМБГ-аас Ё.Отгонбаяртай холбоотой нэлээд хэдэн ноцтой шинэ хэргийн талаар УМБГ-ын дарга, хурандаа Ц.Батсүх сэтгүүлчдэд мэдээлэл өгсөн юм. Тэрбээр “УИХ-ын гишүүн Ё.Отгонбаярын хууль бус үйлдлүүд шалгалтын явцад илэрсэн. Шалгалтын явцад иргэн Ч-г Энхтайвны гүүрэн дээр бүлэг этгээдээр зодуулаад машиныг нь авсан гэх баримт илэрсэн. Хамгийн ноцтой нь Ё.Отгонбаярыг бусдаас авлига авсныг гэрчлэх хэд хэдэн ноцтой баримт гарч ирсэн байна. Тиймээс дээрх баримтуу­дыг үндэслэн түүнийг цагдан хорьж таслан сэргийлэх арга хэмжээ авах гэхээр УИХ-ын гишүүний бүрэн эрх нь бидэнд саад болж байна гэж байлаа.