Сумын залуучуудын like

Мэдээлэлд ойр байгаа хүн цаг үетэйгээ хөл нийлүүлэн алхдаг. Ийм ч болохоор хөдөөгийн залуусын хамгийн их хүсдэг зүйл бол интернет юм. Ерөнхийлөгч Ц.Элбэгдорж залуучуудаа илүү мэдээлэлтэй болгож, иргэдийн оролцоог улам бүр сайжруулах зорилгоор хөдөө хот, баг сум ялгаагүй хурдтай багтаамжтай интернет нэвтрүүлэхийг дэмжиж байгаа нь хөдөөгийн залуучуудад маш их таалагдаж байгаа аж.

Засгийн газар өнгөрсөн намар орон нутагт интернетийн үнийг хоёр дахин буулгаж, хурдыг нь гурав дахин нэмэгдүүлсэн. Саяханаас зарим сум, тухайлбал Булган аймгийн Сайхан, Бугат, Сэлэнгэ, Орхон суманд wifi-тай болоод байгаа юм байна. Энэ нь сумын залуучуудын хувьд ямар ч шийдлээс илүү чухал шийдвэр байсан бололтой. Интернеттэй болсон сумынхан like-д нэлээд нэгдэж байгаа сурагтай.