Төрийн өндөрлөгүүд саналаа хаана өгөх вэ?

Монгол Улсын Ерөнхийлөгчийн сонгуульд нэр дэвшигч, одоогийн Ерөнхийлөгч Ц.Элбэгдорж 11.40 цагаас Монгол III дунд сургууль дээр саналаа өгнө. Харин Засгийн газрын тэргүүн Н.Алтанхуяг Сонгинохайрхан дүүргийн 83 дугаар дунд сургууль дээр байрлаж буй сонгуулийн хэсэгт 10.10 цагт саналаа өгөх бол УИХ-ын дарга З.Энхболд Сүхбаатар дүүргийн Хүүхдийн 100-д байрлах 45 дугаар сургуульд очиж тус тус саналаа өгөх юм. 

МАН-аас  нэр дэвшигч, УИХ-ын гишүүн Б.Бат-Эрдэнэ 11:40-12:00 цагийн хооронд Чингэлтэй дүүргийн зургадугаар хороо, есдүгээр хэсэг буюу 50 дугаар сургууль дээр очиж, саналаа өгөх юм. Харин  МАН-ын ерөнхий нарийн бичгийн дарга Г.Занданшатар Хан-Уул дүүрэгт очиж саналаа өгөх гэнэ. МАН-ын  дарга, УИХ-ын гишүүн Ө.Энхтүвшингийн 13.00 цагаас Хан-Уул дүүргийн дөрөвдүгээр хороо, 34 дүгээр сургуульд байрлаж байгаа сонгуулийн хэсэгт саналаа өгнө.