УИХ-ын гишүүн Н.Номтойбаяр дүрэм зөрчин Ерөнхийлөгч болжээ

МАН-ын дэргэдэх НАМЗХ-ны Ерөнхийлөгч Л.Оюун-Эрдэнэ үүрэгт ажлаа өгчээ. Эх сурвалжийн мэдээлж байгаагаар гадагшаа сурахаар явж байгаа учраас албан ажлаа өгсөн гэв. Гэхдээ Н.Оюун-Эрдэнэ явахаасаа өмнө өөрийн хашиж байсан НАМЗХ-ны Ерөнхийлөгчийн албаа УИХ-ын гишүүн Н.Номтойбаярт шилжүүлжээ. Үүнийг нь МАН-ын зарим нөхдүүд шүүмжилж өмнөх удирдлага хийгээд өдгөө Ерөнхийлөгчийн албыг авсан Н.Номтойбаяр нар дүрэм зөрчсөн гэж үзэж байгаа юм. НАМЗХ-ны дүрмээр бол ерөнхийлөгч нь ажлаа өгөх, шинээр ерөнхийлөгч томилох асуудлыг их чуулганаараа шийдвэрлэдэг. Гэтэл Л.Оюун-Эрдэнэ их чуулган хуралдуулах нь бүү хэл гэнэтийн шийдвэр гаргасанаа Удирдах зөвлөлийн хурлын үеэр хэлээд өөрийнхөө оронд УИХ-ын гишүүн Н.Номтойбаярыг санал болгон түр орлон гүйцэтгэгчээр томилуулаад л өөрөө арилж өгчээ. Эл сэлгээг тус намын залуучууд төдийлөн мэдээгүй яваа бөгөөд "Л.Оюун-Эрдэнийн сурах зардалд нь Н.Номтойбаяр гар сунгасан" гэх шум Тусгаар тогтнолын ордонд явж байна.