МАН-ыг “маллах” шинэчлэгчдийн хориотой 20 коммент

1. МАН-ыг шинэчлэх ажлын эхлэлийг тавьсан НАМЗХ-ийн Ерөнхийлөгч асан Л.Оюун-Эрдэнэ УИХ-ын гишүүн Н.Номтойбаярт халаагаа өгөхдөө хандив авсан гэх.
2. Мөнгө өнгөний “дон” туссан Ерөнхийлөгч асан Л.Оюун-Эрдэнэ жил гаруйн өмнө 9911-тэй дугаар луйвардан авсан хэргээр чамгүй баалуулж байв.
3. Гэсэн ч зэрэг зиндаагаа 9911-тэй дугаараар илэрхийлдэг болсон энэ цаг үед тэр луйврын дугаараасаа салаагүй л яваа. 
4. Тэрбээр 2016 оны сонгуульд нэр дэвшихээр зэхэж байгаа бөгөөд түүнээс өмнө дипломны тоогоо нэмэх, нүдээ нээж, чихээ онгойлгох зорилгоор АНУ-г зорихоор болсон гэж байгаа.
5. Харин тус намыг шинэчлэх их аян “дайн”-д цэргүүдээ удирдан орж буй УИХ-ын гишүүн Н.Номтойбаярын хувьд намынхаа ахмадуудтай ярилцаад энэ шийдвэрийг гаргасан гэж байгаа.
6. Гэтэл ахмадуудаа халах цоо шинэ алхам хийх санаагаа тэд өөрсдөө танилцуулчихсан.
7. Ийнхүү үг, үйлдэл хоёр нь зөрж буй шинэчлэгч залуусын намынхаа удирдлагуудыг унагаах зорилго хэр ахицтай болохыг улстөрийн хүчнүүд ихэд сонирхож байгаа.
8. Өдгөө МАН-ын гишүүд МАХН руу хуваагдаж хүч тарамдсан энэ үед намынхаа өвгөчүүлтэй ийн толхилцох нь бусад намуудад ашигтай.
9.  Ажиглагчдын хувьд залуусын шинэчлэлийн хөдөлгөөн цагаа ч олсонгүй, нүдээ ч олсонгүй. Буруу замаар будаа тээх боллоо хэмээж буй.

10. Шинэчлэлийг эхлүүлэгч Н.Номтойбаяр хэвлэлийн хурлын үеэр түг таг хийж, өөрийнхөө хүзүүг ороож, намынхаа нэр нүүрийг баасдах үгийг ч хангалттай хэлсэн.

11. Тэр өөрийг нь өдий хүртэл дэмжиж ирсэн намынхаа нөхдүүдийг авлигач, гэмт хэрэгтэн хэмээн зарлачихлаа.

12. Түүгээр ч зогсохгүй эдгээр авлигач, гэмт хэрэгтнүүдийг цэвэрлэнэ гэдгээ хэллээ.

13. Гэтэл Н.Номтойбаяр гишүүн өөрөө өөрийгөө ч цэвэрлэх ёстой болж таарч байгаа юм.

14. Учир нь түүний аавынх нь үүсгэн байгуулсан “МАК” Монгол улсын өнгөтэй өөдтэй бүх ордуудын лицензийг эзэмшдэг төдийгүй Монголдоо хамгийн олон лиценз эзэмшдэг.

15. Эл лиценз хэний гараар, хэрхэн яаж МАК-ийн эзэмшилд орсон асуудал бас л “цэвэрлэгээний” нэг хэсэг нь байх болов уу.

16.  Н.Номтойбаяр гишүүний аав Нямтайшир Тагнуулын Ерөнхий Газар ажиллаж байхдаа монголын ашигт малтмалын ордуудыг сайн мэддэг болсон бөгөөд тэр үеэсээ л өөрийн болгох ажлаа хийж эхэлсэн гэдэг.

17. Түүгээр ч зогсохгүй өөрийн үлдээсэн  мөрөө баллах, өөрийгөө хамгаалуулах хангалттай олон найз нөхөд, танилтай болсон учир өдгөө МАК нүүр бардам үйл ажиллагаа явуулдаг гэх.

18. УИХ-ын гишүүн Н.Номтойбаярын бузар, булхайг түүний бие хамгаалагч нь дэлгэсэн. Гэсэн ч түүнийгээ булзааруулж миний өмнөөс мөнгө залилаад зугатсан гэх мэдээллээр дарахыг оролдсон.

19. Хамгийн сүүлд Н.Номтойбаяр сэтгүүлчдийг мөнгөөр худалдаж авахыг оролдож 100 сая төгрөг амласан. Нэг үгээр хэлбэл Н.Номтойбаярыг магтан дуулсныхаа төлөө авах юмдаг уу даа. Үнэн мөнгийг бичсэн сэтгүүлчид 100 сая төгрөг өгнө гэсэн нь намайг “дашаж далдагнавал” мөнгө өгнө гэсэнтэй агаар нэгэн адил сонсогдож байв.

20. Ийм л нөхдүүд МАН-д шинэчлэл хийнэ хэмээн ярьж байгаа нь ёстой л нуухыг нь авах гээд нүдийг нь сохлов гэгчийн үлгэр болж сууна.