В.Путин наадмын мэнд хүргэжээ

Эрхэм хүндэт ноён Цахиагийн Элбэгдорж Танаа,

Монгол Улсын үндэсний их баяр Наадам, Ардын хувьсгалын 92 жилийн ойг тохиолдуулан чин сэтгэлийн баяр хүргэж байгааг минь хүлээн авна уу.

Орос, Монголын харилцаа найрамдал, найрсаг хөршийн бат уламжлалд тулгуурлан амжилттай хөгжиж байна. Хоёр талын харилцааг стратегийн түншлэлийн үзэл санааны дагуу цаашид бэхжүүлэх нь манай хоёр орны ард түмний ашиг сонирхолд бүрэн нийцэж, бүс нутгийн тогтвортой аюулгүй байдлыг хангахад хувь нэмэр оруулна гэдэгт итгэлтэй байна.

Танд эрүүл энх, аз жаргал, амжилт, Монголын нийт ард түмэнд сайн сайхан, хөгжил цэцэглэлтийг хүсэн ерөөе.

 Хүндэтгэсэн,

В.ПУТИН

ОРОСЫН ХОЛБООНЫ  УЛСЫН ЕРӨНХИЙЛӨГЧ

Москва, Кремль

2013 оны 7 дугаар сарын 10-ны өдөр