Дур булаам Кэтрин Зета-Жонс, И Бён Хон буюу ”Инха”-тай ”ELLE” сэтгүүлийн нүүрийг чимжээ

“Амьдралын ээдрээ” киноны "Инха"-гийн дүрээр манай үзэгчдэд танил болсон жүжигчин И Бён Хон, Холливудын дур булаам жүжигчин Кэтрин Зета Жонстой хамт “ELLE” сэтгүүлийн нүүрийг чимжээ. Тэд хамтдаа хоёр ч уран бүтээлд тоглож байсан төдийгүй загварын шилдэг сэтгүүлийн нүүрийг чимсэн нь багагүй шуугиан дэгдээгээд байгаа юм.

Тун удахгүй ирэх сарын 10-нд хуримаа хийх гэж буй  жүжигчин Ин Ха буюу И Бён Хон хуримын өдрөө тэсэн ядан хүлээж буй нь ойлгомжтой. Түүний дурлалт бүсгүйгээр жүжигчин И Мин Жон тодорсон билээ.

Харин Зета-Жонсын хувьд нөхөр Майкл Дугластайгаа 1999 оны гуравдугаар сараас эхлэн үерхэж байгаад 2000 оны арваннэгдүгээр сарын 18-нд Нью-Йорк хот дахь Плаза зочид буудалд сүр дуулиантайхан гэрлэжээ. Тэд хоёр хүүхэдтэй.