“М.Батчимэг гишүүнээ сайн орил, хашгир”

УИХ-ын гишүүн М.Батчимэг төр засгийн үйл ажиллагааг шүүмжилсэн үгсийг сүүлийн үед хүчтэй хэлэх болсон. Тэгвэл түүнийг өөрийн твиттер хуудастаа “Төр мах, нүүрс зарах ажлаа больж, макро түвшний ажлуудаа сайн хийдэг болсон үед л хөгжил зөв явна..  Одоо сурагчийн дүрэмт хувцсыг хүртэл төр мөнгө гаргаж оёулдаг, компаничилж шахдаг болж байна! Монгол ийм байдлаар хөгжихгүй байх аа.” хэмээн ярьсных нь дараа нэгэн жиргээч  нэлээд хатуу шүүмжилжээ. Ямартаа л нэг эрхэм М.Батчимэг гишүүнд хандан “Хаагуур тэнэж тэнэж ирчихээд одоо нэг их сэхээ орж, сэрсэн мэт аашилнам бэ??? Үйлдэж байхад нь санахгүй, сэрэхгүй яагаав.. Гишүүн хүн бүр их мэдээлэл дунд байдаг учраас бүр анх яригдах үед нь хэлж ярихгүй яав даа гэсэн харамсал, харуусал төрж байна..” гэсэн байна. Харин эрхэм гишүүн хариуд нь “Та ямар үндэслэлээр намайг яриагүй гэж хэлэв?” хэмээн асуухад нөгөөх жиргээч “Миний өмнө өдөр бүр өдөр тутмын 10 гаруй сонин ирдэг. Твиттерт өдөр бүр суудаг. Анх харж байна. Орой бүр ТВ мэдээ үздэг.” гэхэд М..Батчимэг хариуд нь “Ажлыг зөвхөн хэвлэлээр хийдэггүй. Хэлэх, хийх өөр олон талбар бий” гэхэд нь нөгөөх нөхөр “за за. одоо маргаад юүхэв. сайн орил хашгир. Асуудал тэртээ тэргүй дууссан. Тэгсэн ч гэсэн орил хашгир. үр дүн гарах болов уу...” хэлсэн байх юм.