Монгол банкийг шалгана

МАН-ын зүгээс Монголбанкыг шалгах шаардлагыг УИХ-ын даргад хүргүүлсэн билээ. Тэгвэл тэдний хүсэлтийн дагуу өнөөдөр Эдийн засгийн байнгын хорооноос Монголбанкыг шалгах ажлын хэсэг байгууллаа. Уг ажлын хэсэгт УИХ-ын гишүүн С.Бямбацогт, Ц.Нямдорж, Г.Уянга, Б.Гарамгайбаатар, Д.Зоригт нар багтсан байна. Долларын ханш огцом өссөн, зах зээлд их хэмжээний төгрөг шахсан мөн албан тушаалтнууд нь өөр өөр статистик үзүүлэлт ярьж байсан нь Монголбанкыг  ийнхүү шалгахад хүргэж байгаа юм. Тэд Монгол Улсын гадаад валютын нөөц, Засгийн газартай хамтран хэрэгжүүлж буй томоохон төсөл хөтөлбөр, "Чингэс бонд"-ын зарцуулалт зэрэгт шалгалт хийх аж.