Ерөнхий сайд ирэх сард БНХАУ-д айлчлал хийнэ

Ерөнхий сайд Н.Алтанхуягийн долоо хоног бүрийн пүрэв гарагт сэтгүүлчидтэй хийдэг "Ерөнхий сайдын 30 минут" уулзалт ярилцлага боллоо. Ерөнхий сайд мэдээллийн эхэнд "Хүн шиг амьдарч, улс шиг хөгжих" 2013 оны төлөвлөгөөгөө танилцуулсан юм. Энэ жилийн хувьд Засгийн газар төлөвлөсөн ажлаа гүйцэтгэсэн бөгөөд энэ есдүгээр сард ургац хураалтын ажил болоод утаагүй зуухаар хангах асуудлыг шийдвэрлэсэн талаар Ерөнхий сайд мэдээллээ.  Тэгвэл аравдугаар сард Ерөнхий сайд БНХАУ-д албан ёсны айлчлал хийх болсон талаараа ч дуулгав. Тэрбээр албан ёсны айлчлалынхаа хүрээнд хоёр орны эдийн засгийн харилцааг өргөжүүлэх талаар ярилцах юм байна.