Эх орныхоо эдийн засагт санаа зовсон уу? ”Том” албанд томилохгүй байгаад гомрохсон уу?

УИХ-ын гишүүний бүрэн эрхээсээ татгалзах өргөдлөө өгөөд байгаа Р.Амаржаргалын ярьсаныг эргэн санахад:  Монгол Улсын 2013 оны төсвийн тодотголыг хэлэлцэх үеэр:  "Миний ойлгож байгаагаар өргөн барьсан төсвөө Сангийн сайд, Ерөнхий сайд хамгаалж, тоо болгоных нь төлөө тулалдах ёстой биз дээ. Гэтэл 20, 30 хувиар өсгөөд байхад юу ч болоогүй юм шиг за, за гээд явж байсан хүмүүс хариуцлага хүлээх үү, үгүй юү.  

Ийм хөөсрүүлсэн төсөл УИХ-д оруулж ирж батлуулсан олонхийн бүлэг хариуцлага хүлээх үү. Хөөсрүүлсэн төсвийг УИХ-д оруулж ирсэн Төсвийн байнгын хороо, Төсвийн байнгын хорооны дарга хариуцлага хүлээх үү, үгүй юү?

 Бид эцсийн  эцэст юу ч болоогүй юм шиг Монгол Улсын төсвийн тодотголын орлого тэдэн төгрөг, зарлага тэд гээд алх цохино. Харин хариуцлага хүлээх хүн олдохгүй байгаа бол би хариуцлага хүлээе. Би улс төрийн хариуцлага хүлээхэд бэлэн байна. УИХ-ын гишүүний хувьд 2013 оны төсвийг хэлэлцэж байхад шүүмжилж байсан. Болохгүй, буруу гэдгийг янз бүрийн хэлбэрээр илэрхийлээд эсрэг санал өгсөн. Би УИХ-ын гишүүнээсээ татгалзахад бэлэн байгаа.  

Тэгэхээр хэн нэгэн хүн үүний төлөө хариуцлага хүлээх ёстой. 1,4 их наяд төгрөгөөр Монгол Улсын эдийн засгаар тоглочихоод юу ч болоогүй юм шиг цөмөөрөө сайхан царайлаад суугаад байх хэрэггүй. Бид улстөрч гэж нэрлэгдээд байгаа юм бол хэн нэгэнд хариуцлага хүлээх хэрэгтэй гэдгийг хэлмээр байна" гэж байсан юм.

Мөн надад чамламгүй мэдлэг, туршлага, чадвар, итгэл үнэмшил байна  Тиймээс би  УИХ-ын даргын ажлыг бусдаас илүү хийж чадна. Гэж  ярьж байсан удаа ч  бий. Тэгвэл эрхэм гишүүн маань энэ удаа УИХ-ын гишүүний бүрэн эрхээсээ татгалзах шийдвэрийг гаргажээ. Уг шийдвэрийг гаргах болсон шалтгаан нь юу вэ? Үнэхээр эх орны эдийн засгийн асуудалд санаа зовсон уу? "Том" албанд томилохгүй байгаад гоморхсон уу? Өөрийгөө энэ намд үнэ цэнэтэй гэдгээ мэдрүүлэхийг хүссэнэ үү?