УИХ- ын гишүүд сургалтанд сууна

"Олон улсын авлигалын эсрэг өдөр" энэ сарын 19-нд тохиох юм. Тэгвэл тус өдөртэй холбогдуулан Авлигатай тэмцэх газраас олон ажил хийхээр төлөвлөжээ. Энэ хүрээнд УИХ-ын гишүүдэд зориулсан авлигын тухай сургалт явуулахаар болсон байна. Учир нь УИХ-ын гишүүд болон улстөрийн хүрээнийхнийг авлигалын гол үүр гэж үздэг билээ. Түүнчлэн Хууль зүйн хүрээлэнд "Хууль дүрэм бодит амьдрал" сэдэвт дугуй ширээний ярилцлага, хэлэлцүүлгийг өчигдөр зохион байгуулжээ. Уулзалтын үеэр АНУ-ын олон улсын хөгжлийн агентлагийн дэмжлэгтэйгээр "Азийн сан"-гаас иргэдийн дунд явуулсан авилгын талаарх ойлголт, мэдлэгийг тогтоох судалгааны дүнг танилцуулсан аж. Судалгааг энэ оны есдүгээр сард зургаан аймгийн 21 сум, нийслэлийн долоон дүүргийн 1360 өрх хамрагджээ. Судалгаагаар өнгөрсөн гуравдугаар сарын байдалтай харьцуулахад авлигалын байдал харьцангуй буурсан гэх дүгнэлт гарсан байна. Д.Сүрэн