Н.Алтанхуяг дүүгийнхээ нөхрийн төрсөн дүүгийн охинд юу өгөв

Ерөнхий сайд Н.Алтанхуягийн хамаатнууд бас л ахынхаа нэрийг хугалаадах лаа. Хэвлэлээр үүнийг дахиад нэг “Дэнзэн” гэж нэрлэж байна. БОАЖЯ гэж байх үед сайд Л.Гансүхийн тушаалаар Шинэхүүгийн Ундрал гэгчид Нүхтийн аманд 1100 м.кв газар олгосон ба нөгөөх нь тэр газрыг бусдад дамласнаар дахиад нэг “Дэнзэн”-гийн хэрэг илэрсэн нь энэ.

Нүхтийн аманд хэн дуртай, бэлтэй нь газар авна гэж гонжийн жоо. Нэр төр, албан тушаал л байхгүй бол тэнд ланжгар баян байлаа ч алга дарам газар авч чадахгүй. Харин 23-хан настай бүсгүй /газар авч байх үед 21-тэй байсан/ км.кв гаруй газар зүгээр л авчихаад, цааш нь дамлана гэдэг яах аргагүй “нүүрний буян” оролцсон асуудал.

Гэхдээ Ш.Ундрал яаж яваад дахиад нэг “Дэнзэн” болчихов. Энэ нь их амархан. Ундралын аав Д.Шинэхүүгийн төрсөн ахыг Д.Гэрэлхүү гэдэг. Д.Гэрэлхүү болохоор Н.Алтанхуягийн төрсөн дүү Н.Наранцэцэгийн нөхөр юмсанж. Харин Л.Гансүх эхнээсээ Н.Алтанхуягийн хүн байгаад одоо зөвлөхөөр нь ажиллаж буй.

Ингээд Н.Алтанхуягийн нэрийг түүний дүүгийн нөхрийн төрсөн дүүгийн охин олонд цуурайтууллаа. Н.Алтанхуяг ч яах вэ, хэзээ нэгэн цагт суудлаа өгнө. Харин түүний олон ахан дүүс, амраг садан, худ ургуудаас төрийн алба хэзээ цэвэрших бол.

Ёстой л ... Батцагааны хөвүүн Тамачи, Тамачийн хөвүүн Хоричар мэргэн, Хоричор мэргэний хөвүүн ... гээд цааш хөвөрдөг шиг л юм болж.