Ерөнхий сайдад ”Шантрашгүй монгол” өргөмжлөл авах таван шалтгаан бий гэв

"Монгол залуу хүн" төрийн бус байгууллагаас Ерөнхий сайд Н.Алтанхуягт "Шантаршгүй монгол хүн " өргөмжлөлийг гардуулах болсон талаараа мэдээллээ. Тэд тус өргөмжлөлөө маргааш 11.00 цагт Ерөнхий сайдад гардуулах юм байна. "Шантаршгүй монгол хүн" шагналыг хамгийн анх Ерөнхий сайдад гардуулах болсон шалтгаан нь түүнийг юунд ч бууж өгдөггүй, аливаад шантрахгүй зүтгэдэгт нь урам өгч байгаагийнх аж. Иймд бодит үнэнийг олон түмэнд ялган ойлгуулах, сэтгэл итгэлийн дэм өгөх зорилгоор сайн муугаар дуудуулсан ч хамгийн хөдөлмөрч, ажилсаг байж чадаж буй Ерөнхий сайд Н.Алтанхуягт тус өргөмжлөлийг өгч байгаа гэж тус ТББ-ынхан хэллээ.

Дараах таван үндэслэлд тулгуурлан Ерөнхий  сайд Н.Алтанхуягт тус шагналыг олгохоор болжээ.

1. Сөрөг хүчнээс явуулсан Засгийн газрыг унагах гэсэн оролдлогод шантраагүй

2. Албан тушаалын төлөөх шантааж, хавчлага, гадуурхалд шантраагүй

3. Олон нийтийг турхирсан гүтгэлэг, доромжлол, бэлтгэгдсэн комментчдын дайралтад шантраагүй

4. Хувийн амьдрал руу нь дайрч, гэр бүлийн амгалан тайван байдлыг алдагдуулсан сэтгэл зүйн дайралтад шантраагүй зэрэг таван ай савд багтах нөлөөллийг тэвчин улс орныхоо төлөө хийж буй олон сайн үйлийг нь үнэлэн олгож байгаа аж.

Тус шагналыг өгснөөр Ерөнхий сайдад урам өгөхөөс гадна "цаашид ч битгий шантраарай" гэдгийг сануулж байгаагийн илрэл юм байна. Мөн цаашид бие биенээ мэрж хэмлэх биш өргөж дэмжиж ажиллахыг тус байгууллагаас уриаллаа.