МАХН арга ядсан ”мэх”-ээр намаа сурталчилж байна

МАХН олны танил, нэртэй улс төрч 200 гишүүнээр бүл нэмнэ гэсэн мэдээлэл цацаж, яг хэрэг дээрээ намын гишүүний батлахаа 100 гаруй хүнд гардуулсан. Тэндэн дунд олны танил гээд байх хүн тун ховор байлаа. Гэхдээ Олимпын хүрэл медалт дэлхийн аварга гавьяат тамирчин С.Батцэцэг байсан юм. Залуу гавъяатыг МАХН-ын батлах гардаж авахад гайхах, сонирхох хүн олон байсан. Энэ өдрөөс хойш С.Батцэцэгийг МАХН хүчээр элсүүлжээ. Д.Сумьяабазар, Д.Дагвардорж нар дарамталжээ гэх мэдээлэл хэвлэл мээдээллээр гарах болсон юм. Сүүлийн жилүүдэд намууд олны танил хүмүүст намын батлахаа гардуулж, хийсэн бүтээсэн зүйлтэй хүмүүсийн нэр алдараар уралддаг хөгийн жишиг тогтоосон байна. Өнгөрсөн оны хавар АН –д Их аварга Д.Дагвадорж элслээ гэж байсан бол саяхны шуугиан С.Батцэцэг байлаа. Хийсэн бүтээсэн хөдөлмөрийн үр шимтэй хүмүүсээр намаа чимж, нэрээ гаргах гэсэн улс төрийн намуудын солиорол бүр эцэстээ ямар ч хамаагүй аргаар батлахаа гардуулах явдал болжээ.

Учир нь С.Батцэцэг МАХН-д элсэх тухай бодоо ч үгүй явж. Гэтэл хувийн ажлаар уулзах гэсэн хүн нь МАХН-ын байранд байна. Хүрээд ир энд уулзъя гэсэн аж. Тэнд очоод уулзаад сууж байтал МАХН-ын дарга нар өрөөнд орж ирээд С.Батцэцэгийн нэрийг биччихсэн намын батлахыг гардуулж өгчээ. Тэрээр олон хүний өмнө сандарсандаа юу ч хэлж чадалгүй авсан аж. Яг энэ мөчид МАХН-ынхан зургийг нь дараад цахим ертөнцөөр тараачихаж,  ийм л увиагүй арга ядсан “мэх”-ээр намаа сурталчилж байна.

Энэ тухай С.Батцэцэг ярихдаа  “Би ямар нэгэн намд элсч, улс төр сонирхохгүй. Олон хүний дунд батлахаа өгөхөөр нь яаж ч чадалгүй авчихсан юм.  Батлахыг нь буцааж өгнө. Надад улс төр хөөх сонирхол байхгүй. Ганцхан барилдах л сонирхолтой. 2016 оны олимп болох гэж байна. Том, том тэмцээнүүд хүлээж байна”  гэж ярьсан. Ингэж л МАХН-ынхан онигоо болсон юм даа. Гэтэл төд удалгүй буюу маргааш нь С.Батцэцэг гавьяат Их аварга Г.Дагвадоржид дарамтлуулсан. Олимп тэмцээнд оруулахгүй. Улс төр хийж явлаа хэмээн Д.Сумъяабазар гишүүн болон холбооны Ерөнхийлөгч гэх Их аварга хоёр дарамталсан гэх мэдээлэл цацагдсан. Аваргуудад дарамтлуулсан гэх ор үндэслэлгүй яриаг Д.Тэрбишдагва дарга сэтгүүлчдэд хэлсэн  байна. Тэнэг башир аргаараа олны танил хүмүүсээ үргээсэн. Намуудын солиорол ингэж газар авсаар... байна.

Н.Ганаа