Парламентад суудалгүй намын дарга нарыг чуулганы нээлтэд суулгахаар болжээ

 УИХ-ын хаврын чуулган энэ сарын 7-нд  нээлтээ хийнэ. Чуулганы нээлтэд  Ерөнхийлөгч, Ерөнхий сайд, гадаадын дипломат төлөөлөгчид  оролцдог. Харин энэ жилийн  чуулганы нээлтэд парламентад суудалгүй намын дарга нарыг  оролцуулахаар болжээ. Уг намын дарга нар чуулганы нээлтэд суух хүсэлтээ гаргасан юм. Дэгийн тухай хуульд чуулганы нээлтэд үг хэлэх боломж парламентад суудалгүй намын дарга нарын хувьд байхгүй тул тэдгээр оролцогчид ямартаа ч энэ удаад ажиглагчийн байр сууринаас оролцох нь. Мөн УИХ-ын чуулганы хуралдааны дэг өөрчлөгдөж чуулганы хуралдааныг 10.00 цагт эхлүүлж, үдээс хойш 15.00 цагаас үргэлжлүүлж байхаар тусгасныг 09.00, 14.00 цаг болгосон байгаа аж.