Н.Золжаргалын асуудлыг энэ долоо хоногт хэлэлцэхгүй

УИХ дахь Бие даагчдын зөвлөлөөс Монголбанкны Ерөнхийлөгч Н.Золжаргалыг огцруулах төслөө өнгөрсөн долоо хоногт УИХ-ын даргад өргөн барьсан.

Тэд Н.Золжаргалыг хариуцсан салбараа удирдах чадваргүй, валютын ханшийг барьж чадаагүй гэдэг үндэслэлээр огцрох ёстой гэж үзэж байгаагаа дуулгасан. Харин огрцуулах асуудлыг энэ долоо хоногт парламентаар хэлэлцэх асуудлын жагсаалтад оруулаагүй байгаа юм. Уг нь хуулийн төсөл өргөн барьснаас хойш долоо хоногийн дотор байнгын хороо, чуулганаар хэлэлцүүлэх дэгтэй.

Ийм учраас Бие даагчдын зөвлөл УИХ-ын даргаас дэгээ баримтлахыг шаардаж байгаа юм. Тиймээс “Монголбанкны ерөнхийлөгчийг огцруулах асуудлыг хэлэлцэж өгнө үү” гэсэн бичгээ хэд, хэдэн удаа өгчээ.