Сайд нарын асуудлыг хэлэлцсэнгүй

Автор | Zindaa.mn
2014 оны 06 сарын 04

Өнөөдөр УИХ-ын Эдийн засаг, Байгаль орчин, хүнс, хөдөө аж ахуйн байнгын хорооны хамтарсан хуралдаанаар Хууль зүйн байнгын хорооны дарга Ш.Түвдэндоржийг Үйлдвэр, хөдөө аж ахуйн сайдаар томилох асуудлыг хэлэлцэх байсан. Гэвч уг хамтарсан байнгын хорооны хуралдааны ирц хүрээгүйн улмаас тодорхойгүй хугацаагаар хойшлогдлоо. Түүнчлэн Үйлдвэр, хөдөө аж ахуйн сайдад томилохоор нэр дэвшүүлсэн Ш.Түвдэндоржийн нэрийг УИХ-д албан ёсоор өргөн бариагүй учраас ийнхүү сайд томилох асуудлыг хэлэлцэхийг хойшлуулж байгаа ажээ.

Үүнээс гадна дээрх хамтарсан хуралдааны дараа Эдийн засгийн байнгын хороо хуралдаж Эдийн засгийн хөгжлийн сайдыг огцруулах асуудлыг хэлэлцэх байсан ч мөн л гишүүдийн ирц хүрээгүйн улмаас тодорхойгүй хугацаагаар хойшлогдлоо.
 
Албан бус эх сурвалжийн мэдээлснээр Эдийн засгийн байнгын хороо орой 17:00 цагаас хуралдаж, Н.Батбаяр сайдын асуудлыг хэлэлцэж магадгүй ажээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top