Н.Энхбаяр, Н.Алтанхуяг хоёр нууц гэрээ хийгээд, хятадуудтай найз болжээ

Намбарын Энхбаяр Ерөнхий сайд Н.Алтанхуяг хоёр найз болжээ. Н.Энхбаяр авлигын хэргээс болж эх орондоо ирэхгүй байгаа. Үүнийгээ өөрөө “эрүүл мэндийн асуудал” гэдэг ганцхан үгээр хаацайлж худал хэлээд байгаа юм. Авлигын загалмайлсан эцгийн хэрэг ар араасаа гарч ирсээр байна. Тэрбээр Сингапурт 4 сая ам.долларын оффис эзэмшдэг болох нь ч тогтоогджээ. Мэдээж улс төрд “том” явахдаа энэ зэргийн хөрөнгийг зохицуулсан нь дамжиггүй.

Харин түүнийг АТГ-аас шалгасны эцэст 100 сая ам.доллар зувчуулсан гэдгийг нотолсон. Одоогоор тэрбээр дахин нягт нарийн хор найруулж, намынхнаа удирдан нууц чиглэл өгөөд хөгжингүй улсын тансаг хотод  хөлөө жийн амарч суугаа.  

Ингээд Н.Энхбаярыг “диваажинд” суугаад удаагүй байтал Н.Алтанхуягийн охин “Цэвэр агаар” сангийнхны хэрэгт холбогдсон. Холбогдох холбогдохдоо түүний охин А.Саранзаяа нь “Цэвэр агаар сан”-гийн төслийн мөнгөнөөс хувьдаа завшсан болох нь мөрдөн байцаалтын явцад тогтоогдчихсон. Тэгэхээр авлигын загалмайлсан эцэг Н.Энхбаярын хэрэгтэй тун төстэй төрлийн хэрэг бөгөөд яг адилхан улсын мөнгө идсэн асуудал байхгүй юу.

Ингээд хайрт охин нь хэрэгт холбогдсоноор Н.Алтанхуяг Н.Энхбаярын ял эдэлсэн зовлонг ойлгож эхэлжээ. Тиймээс Н.Энхбаяраас суралцаж тэр замналаар явахаар шийдсэн бололтой.

Бас болоогүй Н.Алтанхуяг ирээдүйгээ бодоод Н.Энхбаяртай маш нууц гэрээ байгуулсан байна. Өөрөөр хэлбэл тэд дараагийн Ерөнхийлөгчийн сонгуульд хамтран оролцох албан бус гэрээг хийгээд нуучихжээ. Н.Энхбаяр хятадуудтай дотно харилцаа үүсгэн улс төрийн нэлээд асуудлыг ярилцаж, гэрээ байгуулаад яваа тухай эх сурвалж мэдээлж байна. Тэгэхээр Алтангадас фракцынхан болон толгойлогч Н.Алтанхуяг, Н.Энхбаяр гурав төрийн толгойд очсон цагт манай улсын ирээдүй юу ч болж мэдэхээр байна. Муугаар бодоход л урд хөрштэй нэгдэх вий гэсэн айдаст автах юм.

Н.Ганаа