Гадаад томилолт шагнал болсон уу

НИТХ-ын бүлэг албан хаагчид улсын мөнгөөр гадаадад зугаалсан хэргээ хүлээгээд буй. Харин үүний дараахан мөн л хилийн чанадад аяласан иөнгө төгрөгтэй холбоотой асуудал яригдаж эхлэв. Тодруулбал Орхон аймгийн ЗДТГ-ын дарга В.Сумьяасүхийн шийдвэрээр “туршлага суд­­лах нэрийн дор “АНУ-д “7 хоногийн сургалт”-д хамрагдахаар Орхон айм­гийн ЗДТГ-ын Хууль зүйн хэлтсийн дарга Б.Батхуяг, Төрийн сангийн хэлтсийн дарга Б.Мөнх-Эрдэнэ, Худал­дан авах газ­рын дарга Л.Оюунгэрэл, Цагдаагийн газ­­рын дарга Б.Даваазул, ТЗУХ-ийн ажил­тан Баян­жаргал нар хи­лийн чанад руу мордсон байна. Эдгээр нөхөд Засгийн газрын 147 дугаар тог­тоолын “Гадаад томилолтыг хяз­гаарлах, зардлыг хэмнэх, томилолтоор явах хү­мүү­сийн тоог цөөлөх” зэрэг заалтыг зөрчсөн явдал юм. 
 
МАН-ын хувьд эдийн засгийн хямралтай үед төс­вийн мөнгөөр гадаадад зугаалагч нартай улс тө­рийн хариуцлага тооц­но гэдгээ зарласан. Мөн АН-ын ги­шүүд гадаад томилолтоо хэтрүүлсэн, зугаалсан албан тушаалтнуудтай хариуцлага нэхэж эхэлсэн байна.