Хамгийн хариуцлагатай гишүүдийн жагсаалтыг С.Ганбаатар, Х.Баттулга тэргүүлж байна

Энэ парламентын хамгийн хариуцлагатай гишүүн С.Ганбаатар уу, Х.Баттулга уу? Эсвэл нам нь Засгийн газарт орохоор болсон Ц.Нямдорж уу? Д.Оюунхорол уу? Zindaa.mn сайтаас явуулж буй “Хариуцлагатай 76-г нэрлэе” санал асуулгад эдгээр гишүүдийн нэрс хамгийн олон санал авчээ.

 Улс орон, ард иргэддээ хэрэгцээтэй ямар хууль дүрэм санаачлан батлуулж, ямар тогтоол шийдвэр гаргахад хувь нэмэр оруулж байна вэ? Таны сонгосон төрийн түшээ хариуцлагатай байж чадаж байна уу гэдэгт уншигчид, сонгогчид, ард түмэн та бүхэн үнэлэлт дүгнэлт өгөх эрхтэй билээ. Одоогийн байдлаар хамгийн хариуцлагатай улс төрчдийн жагсаалтыг С.Ганбаатар гишүүн 242 саналтайгаар тэргүүлж байгаа бол Х.Баттулга 230, Д.Оюунхорол 132 санал, Ц.Нямдорж 124 саналтай байна. Харин Ж.Энхбаяр 108 , Р.Амаржаргал 101, З.Энхболд 95, Г.Уянга 89, Ж.Батзандан 81, М.Батчимэг 69 санал авч, бусад гишүүдээ хошуучилж байна.

     Зиндаа.мн сайт УИХ-ын гишүүдийн хариуцлагыг сануулах зорилгоор “Хариуцлагатай 76” санал асуулгыг 2014.11.27-2014.12.12-ны хооронд явуулж байна. Санал асуулгаар хамгийн өндөр санал авсан хариуцлагатай 10 төрийн түшээг нэрлэж хэрэгжүүлж буй бодлого санаачилсан хууль тогтоомж тойрогтоо хэрхэн ажиллаж байгаа зэрэг хийж байгаа ажлуудыг нь олон нийтэд сурталчлан таниулах мөн УИХ-ын гишүүдийн сонгуулийн амлалтыг нь эргэн сануулж, тэдэнд тойргийнх нь иргэд ямар үнэлэлт дүгнэлт өгч байгааг сайтаараа дамжуулан хүргэх юм.

Сануулахад, та нэг IP хаягнаас хоёр цаг тутамд 10 санал өгөх эрхтэй юм шүү. Таны бодлоор УИХ-ын гишүүдээс хамгийн хариуцлагатай нь хэн бэ? Саналаа өгөөрэй.