Сайдын томилгоонд ядарсан гишүүд эзгүй байна

Өнөөдөр УИХ-ын дэргэдэх дөрвөн байнгын хороо хуралдах байсан ч ирц бүрдээгүйгээс үдээс хойш 13.00 цагт эхлэхээр боллоо. Ингэж ирц бүрдэхгүй, гишүүдийн өрөө эзгүй байгаа нь ч учиртай. Учир нь өчигдөр шөнө дөл болтол шинэ Засгийн газрын сайд нарыг томилсон. Шинэ томилогдсон сайд нарын тамгыг мөн л шөнө дөлөөр гардуулж, манай гишүүд нойр муутайхан хоноцгоожээ. Тиймээс "төрийн ажил"-даа ядарсан эрхмүүд өнөөдөр төрийн ажилдаа ирсэнгүй. Сайд нарыг өчигдөр томилсон ч өнөөдөр тамгыг нь гардуулж, ажлыг нь хүлээлгэж өгч болох л байсан. Гэвч шинэ сайдууд эрх мэдлээ хурдхан атгах гээд их л яарсан нь бусад гишүүдээ ажил таслахад хүргэлээ.

Л.Од