УИХ-ын чуулганаар хэлэлцэх асуудал өөрчлөгджээ

УИХ-ын чуулганы нэгдсэн хуралдаан яг одоо эхэлж байна. Өнөөдрийн хуралдаанаар хэлэлцэх асуудлуудад өөрчлөлт оржээ. Тус хуралдаанаар Төсвийн тогтвортой байдлын тухай хуулинд нэмэлт өөрчлөлт оруулах тухай хуулийн төслийн анхны хэлэлцүүлгийг хийх байсан ч төсвийн байнгын хорооны хуралдааны үеэр МАН-ынхан уг асуудлаар тав хоногийн завсарлага авснаар хойшлогдлоо. Тиймээс өнөөдрийн хуралдаанаар Өргөдлийн байнгын хорооны даргыг сонгох асуудлыг хэлэлцэн шийдвэрлэх юм. Мөн

• Үндсэн хуулийн цэцийн 2014 оны 08 дугаар дүгнэлтийг танилцуулах;
• Дэд хорооны бүрэлдэхүүнд өөрчлөлт оруулах тухай;
• “Тогтоолын хавсралтуудад нэмэлт, өөрчлөлт оруулах тухай” Улсын Их Хурлын тогтоолын төсөл /Засгийн газар 2014.05.23-ны өдөр өргөн мэдүүлсэн, Гацууртын ордын тухай, анхны хэлэлцүүлэг/-ийг хийх юм.